Հալեպում կապիտուլյացիայի պայմանների շուրջ բանակցություններ են ընթանում. Ալ Վաթան

Հալեպի արևելյան թաղամասերում գտնվող զինյալ խումբը Սիրիայի կառավարական զորքերի ներկայացուցիչների հետ գաղտնի բանակցում է կապիտույացիայի պայմանների շուրջ: Այս մասին հայտնում է սիրիական «Ալ Վաթան» թերթը:

Աղբյուրի հավաստմամբ՝ քաղաքի արևեյան մասում սիրիական զորքերի մի քանի վստահ հաղթանակից հետո անհամաձայնություններ են ծագել ծայրահեղական խմբավորումների ճամբարում: Հակառակ իրենց վերահսկողության տակ գտնվող շրջաններն ինքնակամ չլքելու մասին զինյալների ավելի վաղ արած հայտարարության՝ շատերն այժմ պատրաստ են ընդունել իշխանության ներկայացրած վերջնագիրը:

«Ծանր պատրությունների ֆոնին զինյալները մեղադրանքներ են հնչեցնում միմյանց հասցեին, մինչդեռ նրանց մի մասը գաղտնի բանակցություններ է վարում Սիրիայի կառավարական զորքերի ներկայացուցիչների հետ, որպեսզի վերջիններս օրինականացնեն իրենց կարգավիճակը և թույլ տան դուրս գալ Հալեպի արևելյան թաղամասերից», - գրում է «Ալ Վաթանը»:

Ավելի վաղ ահաբեկիչները հրաժարվել էին վայր դնել զենքը և խաղաղ կերպով հեռանալ քաղաքից: