Ջեյմս Մաթիսը՝ ԱՄՆ պաշտպանության նախարար

Դեկտեմբերի 6-ի ԱՄՆ-ի նորընտիր նախագահ Դոնալդ Թրամփը պաշտպանության նախարարի պաշտոնին պաշտոնապես առաջադրել է Ջեյմս Մաթիսի թեկնածությունը: Այս մասին հաղորդում է The Washington Post-ը:

Թրամփը Մաթիսին ներկայացրել է որպես ռազմական գործի ամենաարդյունավետ գործիչներից մեկը: «Նրա ղեկավարությամբ մենք կկարողանանք վերականգնել մեր ուժերը և արդյունավետ պայքարել ահաբեկչության դեմ՝ այդպիսով ապահովելով ԱՄՆ-ի անվտանգությունը», - հայտարարել է նորընտիր նախագահը:

Մաթիսն իր հերթին հայտարարել է, որ այդ պաշտոնին նշանակվելը մեծ պատիվ է իր համար, և ինքը պատրաստ է ամեն ջանք գործադրել՝ Միացյալ Նահանգներն ավելի ուժեղ և պաշտպանված դարձնելու համար:

Դեկտեմբերի 1-ին The Washington Post-ը տեղեկություն էր տարածել, որ Դոնալդ Թրամփը Պենտագոնի ղեկավարի պաշտոնին է նշանակել Ջեյմս Մաթիսին: Սակայն Լուրը տարածվելուց անմիջապես հետո Թրամփի անցումային վարչակազմի ղեկավար Ջեյսոն Միլլերը հայտարարել էր, որ այդպիսի որոշում դեռևս չի կայացվել:

Ըստ ԱՄՆ-ում գործող օրենքի՝ պաշտպանության նախարարի պաշտոնը կարող են զբաղեցնել վերջին 7 տարիների ընթացքում ծառայության մեջ գտնվող անձինքն: Սա նշանակում է, որ Պենտագոնի ղեկավարի պաշտոնին Ջեյմս Մաթիսի հաստատման համար ԱՄՆ Կոնգրեսը պետք է հատուկ օրենք ընդունի, որը կվերացնի ներկայում գործող կարգը, քանի որ պաշտոնաթող գեներալը ծառայությունից հեռացել է 2013թ-ին:

Ջեյմս Մաթիսը մոտ 40 տարի ծառայել է ԱՄՆ ռազմածովային ուժերում. ծովային հետևակի կորպուսի գեներալ է: Մաթիսը Միացյալ Նահանգների հրամանատարության կազմում եղել է Մերձավոր Արևելքում ռազմական գործողությունների համար գլխավոր պատասխանատուն: