Մերձավոր Արևելքում ԱՄՆ-ի վարած քաղաքականությունն անթերի չէ. Բարաք Օբամա
ԱՄՆ-ի նախագահ Բարաք Օբաման գտնում է, որ Մերձավոր Արևելքում իրենց վարած քաղաքականությունն իդեալական չէ: Այս մասին ԱՄՆ նախագահը հայտարարել է CNN-ին տված հարցազրույցի ժամանակ:
Լրագրողի հարցին, թե ԱՄՆ-ն ճիշտ է վարվել՝ սիրիական պատերազմում պաշտոնապես չպաշտպանելով որևէ կողմի, Օբաման պատասխանել է. «Կարծում եմ, որ դա վատ որոշումների ցանկում ամենաողջամիտն էր: Արդյո՞ք մենք անթերի ենք գործել՝ բարդ քաղաքականություն վարելով տարածաշրջանում: Կարծում եմ՝ ոչ: Պետք չէ խոսել անթերիության մասին, երբ խոսքը վերաբերում է արտաքին քաղաքականությանը կամ նախագահի պաշտոնավարման ժամկետին»:
Օբաման նշել է նաև, որ ամերիկյան հատուկ ծառայությունները չեն կարողացել ճիշտ գնահատել Իսլամական պետության իրական ներուժը: «Այն ժամանակ մեր հետախուզական ծառայությունը չգիտեր, որ ԻՊ-ը հնարավորւթյուն ունի իրականացնել այդպիսի մեծամասշտաբ ցամաքային գործողություն», - ասել է ԱՄՆ նախագահը:
Նշենք, որ Բարաք Օբամայի պաշտոնավարման ժամկետն ավարտվում է 2017թ-ի հունվարի 20-ին: Նախագահի պաշտոնում նրան կփոխարինի հանրապետական Դոնալդ Թրամփը: