Ֆրանսիայի տարածքում հաշվվում է ծայրահեղական իսլամի մոտ 15.000 հետևորդ

Ֆրանսիայի հատուկ ծառայությունների հաշվարկով՝ երկրի տարածքում կա ծայրահեղական իսլամի մոտ 15.000 հետևորդ: Այս թվերը հայտնում է Journal du Dimanche թերթը՝ ընդգծելով, որ դրանցից 4.000-ը լուրջ սպառնալիք է ազգային անվտանգության համար:

«Հատուկ ցուցակը կազմվել է 2015թ-ի մարտին՝ «Charlie Hebdo» երգիծական շաբաթաթերթի խմբագրության վրա կատարված հարձակումից հետո: Ներկայում ցուցակում կա 15 հազար անուն», - գրում է թերթը:

Աղբյուրի համաձայն՝ ոստիկանությունը ֆիքսում է, որ ծայրահեղական իսլամին հիմնականում անդամագրվում են երիտասարդները, ինչը մտահոգության տեղիք է տալիս: Նշվում է, որ այդ ցուցակում կա մոտ 2 հազար անչափահաս, ընդ որում, գնալով ավելանում է աղջիկների թիվը:

Այդ տարվա սեպտեմբերին Ֆրանսիայի ոստիկանությունը ձերբակալել է 14-15 տարեկան մոտ 10 դեռահասի, ովքեր ծրագրում էին դանակներով հարձակում կազմակերպել անձորդների վրա՝ «հանուն ջիհադի»:

Հատուկ ծառայությունների կազմած ցուցակում ընդգրկվածներից ամենափոքրը 11 տարեկան է, իսկ ամենամեծը՝ 40:

Ծայրահեղական իսլամն ավելի խորը արմատներ է գցել Փարիզում, Մարսելում, Նիցցայում, ինչպես նաև՝ երկրի հյուսիսային շրջաններում՝ Բելգիայի հետ սահմանի մոտ: