Պեսկովը խոսել է Պալմիրայի շուրջ ծավալվող իրադարձությունների մասին

Սիրիական Պալմիրայի շուրջ ծավալվող իրադարձությունները վկայում են Իսլամական պետության կողմից եկող լրջագույն վտանգի մասին: Այս մասին հայտարարել է ՌԴ նախագահի մամուլի խոսնակ Դմիտրի Պեսկովը:

«Ափսոսում եմ, որ չենք կարողանում ամբողջովին չեզոքացնել ակտիվ հարձակողական գործողությունները», - ասել է Պեսկովը և ավելացրել, որ Ռուսաստանը շարունակելու է պայքարել ահաբեկչության դեմ, ինչպես նաև օգնել սիրիական զինուժին:

Պեսկովը նշել է նաև, որ դեռևս չկա կոորդինացված համագործակցություն որևէ պետության, մասնավորապես՝ ԱՄՆ-ի հետ: «Այդպիսի համագործակցությունը թույլ կտար արդյունավետ կերպով խուսափել աաբեկիչների հարձակումներից»,- լրագրողների հետ զրույցում ասել է ՌԴ նախագահի մամուլի խոսնակը:

Պեսկովի կարծիքով՝ ահաբեկիչներին Իրաքից դուրս մղելը կարող է հանգեցնել նրան, որ վերջիններս նոր խմբեր ձևավորեն և լայնամասշտաբ հարձակման անցնեն Սիրիայում:

Ավելի վաղ հաղորդվել էր, որ Պալմիրայում բնակիչների մեծ մասը տարհանվել է, իսկ կառավարական բանակը քաղաքի ծայրամասերում պաշտպանողական մարտեր է մղում ԻՊ ահաբեկիչների դեմ, ովքեր կրկին գրավել են քաղաքը: