Եվրախորհրդարանն ընդունել է Ուկրաինայի և Վրաստանի քաղաքացիների համար վիզային ռեժիմի վերացման մասին օրենքը
Այսօր՝ դեկտեմբերի 15-ին, Ստարզբուրգում կայացած նիստի ժամանակ Եվրախորհրդարանն ընդունել է Վրաստանի և Ուկրաինայի քաղաքացիների համար վիզային ռեժիմի վերացման մասին օրենքը։ Այն ընդունվել է ձայների բացարձակ մեծամասնությամբ։
Դեկտեմբերի սկզբին եվրոպական կառույցները մշակել էին երրորդ երկրի համար առանց վիզայի մուտքի ռեժիմի վերացման մեխանիզմ՝ փախստականների անվերահսկելի ներհոսքը ԵՄ անդամ երկրներ կանխելու նպատակով։ Հենց այս հանգամանքով է Բրյուսելը բացատրում Ուկրաինայի և Վրաստանի քաղաքացիների համար վիզային ռեժիմի վերացման ձգձգումը։
ԵՄ-ն դեռ պաշտոնապես պետք է հավանության արժանացնի օրենքը։
Փաստաթուղթն ուժի մեջ է մտնելու հաջորդ տարվա ապրիլից։ Այն կարող է չեղարկվել, եթե նշված երկրներից քաղաքացիների մեծ հոսք սկսի Եվրամիության երկրներ։