«Ջաբաթ ալ-Նուսրա» ահաբեկչական խմբավորումը պաշտոնապես ստանձնել է դեսպան Կարլովի սպանության պատասխանատվությունը

«Ջեյշ ալ-Ֆաթահ» Սիրիայի իսլամիստների զինված խմբավորումը (ավելի հայտնի որպես «Նուսրայի ճակատ») պաշտոնապես իր վրա է վերցրել Թուրքիայում Ռուսաստանի դեսպան Անդրեյ Կարլովի սպանության պատասխանատվությունը։ Այս մասին հայտնում է սիրիական breakingnews.sy լրատվական կայքը։

Ըստ ահաբեկչական խմբավորման տարածած հաղորդագրության՝ դեսպան Կարլովին սպանած Մևլութ Մերթ Ալթընթաշը խմբավորման անդամ է եղել։

Նշված զինված խմբավորումը հիմնականում գործում է Սիրիայի Իդլիբ նահանգում։

Նշենք  որ դեկտեմբերի 19-ին Անկարայի Ժամանակակից արվեստների կենտրոնում ցուցահանդեսի ժամանակ սպանվել է Թուրքիայում Ռուսաստանի դեսպան Անդրեյ Կարլովը։ Մարդասպանը, որը ոչնչացվել է հատուկ գործողության արդյունքում, 22-ամյա Մևլութ Մերթ Ալթընթաշն է։ Նա Իզմիրի ոստիկանական դպրոցի շրջանավարտ է, 2,5 տարի աշխատել է Անկարայի ոստիկանությունում։