ԱՄՆ-ն պետք է ամրապնդի իր միջուկային ներուժը. Թրամփ

Միացյալ Նահանգները պետք է ամրապնդի և ընդլայնի իր միջուկային պոտենցիալը։ Այս մասին իր թվիթերյան միկրոբլոգում գրել է ԱՄՆ-ի նորընտիր նախագահ Դոնալդ Թրամփը։

«ԱՄՆ-ն պետք է նշանակալիորեն ամրապնդի և մեծացի իր միջուկային ներուժը, մինչև աշխարհը վերանայի միջուկային զենքի հետ կապված հարցերում իր դիրքորոշումը» ,- գրել է Թրամփը։

Դեռևս նախընտրական քարոզարշավի ժամանակ Թրամփը հայրարարել էր, որ Վաշինգտոնի տրամադրության տակ գտնվող միջուկային զենքը կարող է անպիտան լինել։ Նա պատրաստակամություն էր հայտնել երկրի զինված ուժերում լանյածավալ արդիականացում սկսել։

Դեռևս ապրիլին Նյու Յորքում կայացած հանդիպման ժամանակ Թրամփը նշել էր, որ ԱՄՆ-ն պետք է զգուշավոր մոտեցում ցույց տա սեփական միջուկային զենքի կրրառմանը։ Ավելի ուշ CNN-ին տված հարցազրույցում Թրամփն անթույլատրելի էր համարել միջուկային զենքն առաջինը կիրառելը։

Անդրադառնալով Ռուսաստանին՝ նորընտիր նախագահը նշել էր, որ ՌԴ ռազմական ներուժը վերջին տարիներին նշանակալիորեն հզորացել է, իսկ ռուսական միջուկային զինանոցը գերազանցում է ամերիկյանին։ Նրա խոսքով՝ Վադիմիր Պուտինը երկար տարիներ արդիականացրել է ռուսական միջուկային պոտենցիալը, և Ռուսաստանի ռազմական ներուժն այժմ շատ ավելի ուժեղ է, քան Միացյալ Նահանգներինը։