Իսրայելը հետ է կանչում Սենեգալի և Նոր Զելանդիայի իր դեսպաններին
Իսրայելը հետ է կանչել Սենեգալի և Նոր Զելանդիայի իր դեսպաններին՝ կապված ՄԱԿ-ի Անվտանգության խորհրդի դեկտեմբերի 23-ի նիստում ընդունված հակաիսրայելյան բանաձևի հետ։ Այս մասին հայտնում է «ՏԱՍՍ-ը»՝ հղում կատարելով Իսրայելի վարչապետի աշխատակազմի արած հայտարարությանը։
«Վարչապետը հետ է կանչում Սենեգալի և Նոր Զելանդիայի դեսպաններին խորհրդակցության համար», - նշվում է հայտարության մեջ։
Իսրայելի վարչապետի կաբինետից հայտնում են, որ վարչապետը չեղարկել է Սենեգալի արտաքին գործերի նախարարության բարձրագույն ղեկավարության հետ հանդիպումը, որը կայանալու էր 3 շաբաթից։ Նեթանյահուն արտգործնախարարությանը հանձնարարել է չեղարել նաև Սենեգալի օգնության բոլոր ծրագրերը։