Ահաբեկչություն Երուսաղեմում

Հունվարի 8-ին Երուսաղեմում բեռնատարը մխրճվել է հետիոտնային անցման մոտ կանգնած մարդկանց բազմության մեջ։ Այս մասին հաղորդում է The Jerusalem Post-ը։

Աղբյուրի համաձայն՝ տեղի ունեցածի հետևանքով զոհվել է 4 մարդ, վիրավորվել՝ 13-ը։ Բեռնատարի վարորդը, որը Արևելյան Երուսաղեմում բնակվող պաղեստինցի էր, ոչնչացվել է ոստիկանական ուժերի կողմից։ Իսրայելի իշխանությունները տեղի ունեցածը որակել են որպես ահաբեկչություն։

Իսրայեի վարչապետ Բենյամին Նեթանյահուն հայտարարել է, որ բեռնատարի վարորդը կապ ունի «Իսլամական պետություն» ահաբեկչական խմբավորման հետ։