Պենտագոնի ղեկավարին խորհուրդ կտամ լինել ավելի զգույշ. Շոյգու
Ռուսաստաի Դաշնության պաշտպանության նախարար Սերգեյ Շոյգուն խորհուրդ է տվել Պենտագոնի ղեկավարին ավելի զգույշ լինել Ռուսաստանի ռազմական գործունեության մասին խոսելիս։ Այս մասին գրում է ռուսական «Ռիա Նովոստին»։
«Ես կհամաձայնեի իմ գործընկերոջ հետ, եթե նա չշփոթեր պետությունը, կամ լիներ ավելի զգույշ իր գնահատականներում», - ասել է Շոյգուն՝ մեկնաբանելով Էշթոն Քարթերի խոսքերը։
Ավելի վաղ ԱՄՆ-ի պաշտպանության նախարար Էշթոն Քարթերը NBC հեռուստաալիքին տված հարցազրույցում նշել էր, որ ահաբեկչության դեմ Ռուսաստանի պայքարը տվել է զրոյական արդյունք, իսկ Սիրիայում նրա ներկայությունը միայն թեժացրել է քաղաքացիական պատերազմը։
Սերգեյ Շոյգուն հույս է հայտնել, որ Աստանայում կայանալիք հանդիպումը սկիզբ կդառնա սիրիական ճգնաժամի խաղաղ կարգավորման համար, իսկ ահաբեկչության դեմ պայքարում Ռուսաստանին կմիանան այլ պետություններ։
ՌԴ պաշտպանական գերատեսչության ղեկավարը նշել է նաև, որ Ռուսաստանի Դաշնության օդատիեզերական ուժերը Սիրիայում կատարել են նախագահի հաձնարարությունները։
Ռուսաստանի Դաշնության Զինված Ուժերի Գլխավոր շտաբի պետ Վալերի Գերասիմովի հայտնած տվյալների համաձայն՝ 2015թ-ից սկսած ռուսական օդուժը Սիրիայում իրականացրել է մոտ 19 հազար թռիչք՝ ահաբեկիչներից ազատագրելով ավելի քան 12 հազար քառակուսի կիլոմետր տարածք։