Ջո Բայդենը հանդիպում կունենա Ուկրանայի վարչապետի հետ
Հունվարի 16-ին ԱՄՆ-ի փոխնախագահ Ջո Բայդենը կհանդիպի Ուկրաինայի վարչապետ Վլադիմիր Գրոյսմանի հետ։ Այս մասին տեղեկացնում է Ուկրաինայի կառավարության մամուլի ծառայությունը։
«Հունվարի 16-ին Ուկրաինայի վարչապետ Վլադիմիր Գրոյսմանը հանդիպում կունենա ԱՄՆ-ի փոխնախագահ Ջո Բայդենի հետ։ Հանդիպումը կկայանա ԱՄՆ-ի փոխնախագահի Ուկրաինա կատարվելիք պաշտոնական այցի շրջանակներում։ Նախատեսվում է, որ հանդիպումը կսկսվի տեղի ժամանակով 07:30-ին (Երևանի ժամանակով՝ 09:30 - խմբ.)», - ասվում է Ուկրաինայի կառավարության մամուլի ծառայության տարածած հաղորդագրության մեջ։
Ավելի վաղ Սպտակ տունը հայտարարել էր, որ մինչև պաշտոնավարման ավարտը ԱՄՆ-ի փոխնախագահը կայցելի Ուկրաինա և Շվեյցարիա։ Ջո Բայդենի հանդիպումը Ուկրաինայի նախագահ Պետրո Պորոշենկոյի հետ պետք է կայանար հունվարի 15 –ին։ Ավելի ուշ, սակայն, ԶԼՄ-ներում լուրեր հայտնվեցին, որ Բայդենը հետաձգել է հանդիպումը, և այն կայանալու է հունվարի 16-ին։