Սենատը հաստատել է Մաթիսի նշանակումը ԱՄՆ-ի պաշտպանության նախարարի պաշտոնին
![](https://www.noror.am/sites/default/files/styles/header_image/public/header-images/mettis.jpg?itok=Si1R4AcM)
Հունվարի 20-ին ԱՄՆ-ի սենատը պաշտոնապես հաստատել է Ջեյմս Մաթիսի նշանակումը Միացյալ Նահանգների պաշտպանության նախարարի պաշտոնին։ Այս մասին հայտնում է CNN-ը։
Պենտագոնի ղեկավարի պաշտոնին Մաթիսի նշանակմանը կողմ է քվեարկել սենատի մեծամասնությունը։ Քվեարկությանը հաջորդել է Մաթիսի երդման արարողությունը, որն անց է կացրել ԱՄՆ-ի փոխնախագահ Մայք Փենսը՝ վերջնականապես հաստատելով նրա նշանակումը։
Հիշեցնենք, որ ԱՄՆ-ի 45-րդ նախագահ Դոնալդ Թրամփը Պենտագոնի ղեկավարի պաշտոնին Ջեյմս Մաթիսի թեկնածությունն առաջադրել էր դեռևս նախորդ տարվա դեկտեմբերի 6-ին։
Ջեյմս Մաթիսը ծնվել է 1950 թ.։ Մոտ 44 տարի ծառայել է ԱՄՆ ռազմածովային ուժերում. ծովային հետևակի կորպուսի գեներալ է: 2001 և 2003 թվականներին մասնակցել է Իրաքում և Աֆղանստանում ԱՄՆ-ի իրականացրած ռազմական գործողություններին։ Մաթիսը ԱՄՆ-ի Զինված Ուժերի Կենտրոնական հրամանատարության կազմում եղել է Մերձավոր Արևելքում ռազմական գործողությունների համար գլխավոր պատասխանատուն: