Ահաբեկչություն Կանադայում. հաղորդվում է 6 զոհի մասին
Հունվարի 29-ին՝ ժամը 20:00-ի սահմաններում (Երևանի ժամանակով՝ հունվարի 30 ժամը 03:00 – խմբ.), Կանադայի Քվեբեկ քաղաքի մզկիթում անհայտ անձինք անկանոն կրակ են բացել մարդկանց ուղղությամբ. հայտնում է «Ռոյթերսը»։
Աղբյուրի համաձայն՝ հարձակումը, որին մասնակցել է երեք հոգի, տեղի ունեցել երեկոյան աղոթքի ժամանակ։ Նշվում է, որ այդ պահին մզկիթում եղել է մոտ 40 մարդ: Հարձակման հետևանքով զոհվել է 6 մարդ, վիրավորվել՝ 8-ը։
Radio Canada-ն հայտնում է, որ հարձակվողները եղել են դիմակներով և կրակելուց առաջ բացականչել են թաքբիրը (Ալլահու Աքբար, թարգմանաբար նշանակում է «Աստված մեծագույնն է»)։
Հաղորդվում է, որ տեղի ոստիկանությանը ձերբակալել է երկու կասկածյալի։ Կանադայի իշխանությունները տեղի ունեցածը որակել են որպես ահաբեկչութուն։