Ռուսաստանը մարդասիրական օգնություն է ուղարկել Սիրիա
Սիրիայի հարցով հաշտեցման ռուսական կենտրոնը մարդասիրական ութ ակցիա է անցկացրել Հալեպում և սիրիական մի քանի այլ քաղաքներում։ Այս մասին գրում է ՏԱՍՍ-ը՝ հղում կատարելով վերոնշյալ կենտրոնի արած հայտարարությանը։
«Բնակչությանը հասցված հումանիտար օգնության բեռի ընդհանուր ծավալը կազմում է 5,7 տոննա։ Հումանիտար օգնություն է հասցվել 4037 մարդու», - ասվում է Սիրիայի հարցով հաշտեցման ռուսական կենտրոնի տարածած հաղորդագրության մեջ։
Նշվում է, որ, մասավորապես, Հալեպի և մոտակա բնակավայրերի բնակիչներին հասցվել է մոտ 3,2 տոննա հաց, 1000 բաժին տաք ուտելիք և 400 տեսակ այլ ապրանքներ։ Միևնույն ժամանակ, Հալեպում և Լաթաքիայում գործող երկու դպրոցի ուղարկվել է 770 դպրոցական պայուսակ և նվերների հավաքածու։
Բացի դրանից, ռուսական կողմն ինքնաթիռներով Դեր Զոր է հասցրել Սիրիայի իշխանությունների կողմից ստացած 20,8 տոննա մթերքը։