Իսրայելի պաշտպանության նախարարը Մերձավոր Արևելքի երկրներին կոչ է արել միանալ Իրանի դեմ ռազմական դաշինքին

Մերձավոր Արևելքի չափավոր իսլամական պետությունները պետք է միանան ռազմական դաշինքին առաջին հերթին Իրանի դեմ պայքարելու համար։ Այսպիսի հատարարությամբ է հանդես եկել Իսրայելի պաշտպանության նախարար Ավիգդոր Լիբերմանը գերմանական Die Welt թերթին տված հարցազրույցի ժամանակ։

Նրա խոսքով՝ Մերձավոր Արևելքում հասկացելեն, որ ներկայում ամենամեծ վտանգը գալիս է Իրանից։ «Ժամանակն է եկել, որպեսզի ստեղծենք Մերձավոր Արևելքի պետություններից կազմված մի դաշինք, որը կպայքարի ահաբեկչության դեմ։ Կարևոր չէ՝ այդ դաշինքում ընդգրկված կլինեն մուսուլմաններ, քրիստոնյաներ թե հուդայականներ», - ասել է Իսրայելի պաշտպանության նախարարը։

Նրա խոսքով՝ այդ դաշինքը պետք է պաշտպանի իր անդամներին և կոշտ պատժամիջոցներ կիրառի Իրանի նկատմամբ։

Իր խոսքի վերջում Լիբերմանը նշել է, որ արաբական երկրներն ավելի շատ ունեն Իսրայելի կարիքը, քան հակառակը։