Զենքի ամենամեծ հոսքը Մերձավոր Արևելք գնում է Ուկրաինայի տարածքից. Եվգենի Սատանովսկի
Զենքի ամենամեծ հոսքը դեպի Մերձավոր Արևելք գնում է Ուկրաինայի տարածքից։ Ռուսական ՏԱՍՍ-ին տված հարցազրույցում այսպիսի կարծիք է հնչեցրել Մերձավոր Արևելքի ինստիտուտի տնօրեն Եվգենի Սատանովսկին։
«Այսօր զենքի ամենամեծ հոսքը Մերձավոր Արևելք գալիս է Ուկրաինայի, մասամբ նաև Բելառուսի տարածքից», - նշել է Սատանովսկին։
Փորձագետը մեկնաբանել է նաև Լիբիայում ռուսական մասնավոր ռազմական ընկերության մասնակցության մասին ԶԼՄ-ներում շրջանառվող լուրերը։
«Ես Լիբիայում ռուսական մասնավոր ռազմական ընկերության մասին ոչ մի անգամ չեմ լսել ինչ-որ մեկից, որին կարելի է հավատալ։ Մասնավոր ռազմական ընկերություններ աշխարհում ունեն չինացիները, անգլիացիները, ֆրանսիացիները և շատ շատերը։ Աշխարհում մասնավոր ռազմական ընկերությունների բազմաթիվ օրինակներ կան», - ասել է արևելագետը։
Նա հիշեցրել է նաև, որ Լիբիայի տարածքում գործում են բազմաթիվ օտաերկրյա ռազմական ստորաբաժանումներ, որոնց ԶԼՄ-ները պատշաճ ուշադրության չեն արժանացնում։
Սատանովսկու խոսքով՝ Լիբիայում գործող ռուսախոս զինվորականները կարող են լինել ուկրաինացիներ։ «Վերջերս պարզվել է, որ այսպես կոչված «ռուս ցանցահեններն» իրականում ուկրաինացներ են. ինչի մասին է խոսքը», - ասել է Մերձավոր Արևելքի ինստիտուտի տնօրենը։