ԱՄՆ-ի և Ռուսաստանի միջև չկա քաղաքական համաձայնություն Սիրիայի հարցում. Պենտագոն

Միացյալ Նահանգները չի համակարգում Սիրիայում իր գործողությունները Ռուսաստանի հետ։ Այս մասին ԱՄՆ Կոնգրեսի լսումների ժամանակ հայտարարել են Պենտագոնի ղեկավար Ջեյմս Մաթիսը և ԱՄՆ Զինված ուժերի շտաբի պետերի միացյալ հանձնաժողովի նախագահ Ժոզեֆ Դենֆորդը։

«Ընդհանուր առմամբ մենք փորձում ենք նվազեցնել հակամարտության ներուժը, սակայն Ռուսաստանի հետ գործողությունների համակարգում չկա», - ասել է ԱՄՆ-ի պաշտպանության նախարարը։

«Ակնհայտ է, որ մենք Ռուսաստանի հետ չունենք քաղաքական համաձայնություն», - ավելացրել է Դենֆորդը։

Հարցը վերաբերում էր ԱՄՆ-ի և Ռուսաստանի կողմից ԻՊ-ի դեմ կռվող քրդական զորամիավորումներին օժանդակելուն։ ԱՄՆ Զինված ուժերի շտաբի պետերի միացյալ հանձնաժողովի ղեկավարի խոսքով՝ ռուսական կողմն աջացում է քրդական ուժերին, իսկ իրենք փորձում են խուսափել Մոսկվայի կողմից օժանդակություն ստացող քրդական զորամիավորումներին զենք մատակարարելուց։

«Մենք մանրակրկիտ ուսումնասիրում ենք՝ ում հետ ենք համագործակցում... որպեսզի մեր զենքը չհայտնվի այլ ուժերի ձեռքում», - ասել է ամերիկացի գեներալը։