Սիրիայի Զինված ուժերը հերքում է քիմիական զենք կիրառելու մասին մեղադրանքները
Սիրիական բանակը քիմիական զենք չի կիրառել Իդլիբ նահանգում, որտեղ, ԶԼՄ-ների տեղեկացմամբ, 58 մարդ էր մահացել: Այս մասին հաղորդում է Sky News Arabia հեռուստաալիքը:
«Մենք քիմիական զենք չենք կիրառել և չենք կիրառում»,- պնդում է Սիրիայի Զինված ուժերի պաշտոնական ներկայացուցիչը:
Ավելի վաղ մարդու իրավունքների դիտարկման սիրիական կենտրոնից հայտարարել էին, որ Իդլիբ նահանգում ավիահարվածների հետևանքով զոհվել է 58 մարդ, որոնցից 11-ը՝ երեխա:
Կենտրոնի տվյալներով՝ հարվածները կարող էին հասցնել Սիրիայի կառավարական ուժերը, որոնք թունավոր գազ էին կիրառել Իդլիբի հարավում գտնվող Հան Շեյհուն քաղաքում։