Ֆիյոնը կարևորում է ՌԴ-ի դերը իսլամական ահաբեկչության դեմ պայքարում

Ֆրանսիան պետք է նախաձեռնի ծայրահեղ իսլամիստական խմբավորումների դեմ պայքարող միջազգային դաշինքի ստեղծում, որին ներգրավված կլինի նաև Ռուսաստանը։ Այս մասին հայտարարել է Ֆրանսիայի նախագահի թեկնածու, երկրի նախկին վարչապետ Ֆրանսուա Ֆիյոնը։

«Ֆրանսիան չի հավակնում համաշխարհային ժանդարմի դերը ստանձնելուն և չի կարող լուծել Սիրիայի հարցը», - նախընտրական հեռուստաբանավեճի ժամանակ հայտարարել է Ֆիյոնը։

Հիշեցնենք, որ Ֆրանսիայի նախագահական ընտրությունների առաջին փուլը կկայանա այս ամսվա 23-ին, իսկ երկրորդը՝ մայիսի 7-ին։

Վերջին սոցհարցումները ցույց են տալիս, որ ընտրությունների երկրորդ փուլ կարող են ացնել Էկոնոմիկայի նախկին նախարար Էմանուել Մակրոնը և «Ազգային ճակատ» կուսակցության առաջնորդ Մարին Լե Պենը։ Նույց սոցհարցման համաձայն՝ ընտրելու իրավունք ունեցողների մոտ մեկ երրորդը չի պատրասվում մասնակցել քվեարկությանը։