Մեծ Բրիտանիայի վարչապետը հրաժարվել է գլխաշոր կրել Սաուդյան Արաբիա կատարած այցի ժամանակ

Մեծ Բրիտանիայի վարչապետ Թերեզա Մեյն անտեսել է Միացյալ Թագավորության արտգործնախարարության հրահանգները և հրաժավել է գլխաշոր կրել Սաուդյան Արաբիա կատարած այցի ժամանակ։ Այս մասին գրում է  The Telegraph-ը։

Աղբյուրը նշում է, որ Մեծ Բրիտանիայի արտաքին գործերի նախարարության փորձագետները խորհուրդ էին տվել Մեյին այցի ընթացքում կրել արաբական ավանդական զգեստ և գլխաշոր։ Վարչապետը, սակայն, հայտարարել էր, որ չի պատրաստվում հետևել տեղի ավանդույթներին։

«Ես հույս ունեմ, որ ազգն իմ մեջ առաջնորդ կտեսնի և կհասկանա, թե ինչի կարող է հասնել կինը», - Թերեզա Մեյի խոսքերը մեջբերում է լրատվականը։

Պարբերականի հավաստմամբ՝ Սաուդյան Արաբիայի օրենսդրության մեջ չկա այնպիսի հոդված, որն օտար կանանց պարտադրում է գլխաշոր կրել, սակայն այստեղ եկող հյուրերը, որպես կանոն, փորձում են պահպանել տեղի մուսուլմանական ավանդույթները։