Իսլամական պետությունը ստանձնել է Եգիպտոսում տեղի ունեցած ահաբեկչությունների պատասխանատվությունը
«Իսլամական պետություն» ահաբեկչական խմբավորումն ստանձնել է Եգիպտոսի երկու քաղաքներում տեղի ունեցած պայթյունների պատասխանատվությունը: Այս մասին հաղորդում է Al Arabia հեռուստաալիքը:
Հեռուստաալիքի հայտնած տեղեկությունների համաձայն՝ Իսլամական պետությունը հայտարարել է Գարբիայի և Ալեքսանդրիայի եկեղեցիներում տեղի ունեցած ահաբեկչությունների հետ կապ ունենալու մասին:
Եգիպտոսի առողջապահության նախարարության հայտնած վերջին տվյալների համաձայն՝ մահապարտների իրականացրած գործողությունների արդյունքում ընդհանուր առմամբ կա 44 զոհ, որոնցից 31-ը Տանտայում, 13-ը՝ Ալեքսնդրիայում. վիրավորվել է 100-ից ավել մարդ:
Եգիպտոսի նախագահ Աբդել Ֆաթթահ Ալ-Սիսին նշում է. «Այս ահաբեկչությունը ուղղված է մեր հայրենիքի դեմ. թե՛ քրիստոնյաների և թե՛ մահմեդականների դեմ»: Նախագահը հավելել է, որ տեղի ունեցած հարձակումներն «էլ ավելի կհամախմբեն Եգիպտոսի ժողովրդին ահաբեկչության դեմ պայքարում»:
Եգիպտոսի նախագահն Ազգային անվտանգության խորհրդի արտակարգ նիստ է հրավիրել ահաբեկչությունների հետևանքով Տանտայում և Ալեքսանդրիայում ստեղծված իրավիճակը քննարկելու նպատակով: