Անսպասելի շրջադարձ՝ Ֆրանսիայի նախագահական ընտրությունների նախաշեմին

Ժան-Լյուկ Մելանշոնն այժմ ընդամենը 0.5%-ով է հետ մնում երկրի նախկին վարչապետ  Ֆրանսուա Ֆիյոնից, որը երրորդ տեղում է։

«Ազգային ճակատ» կուսակցության նախագահ Մարին Լը Պենը 24%-ով առաջին փուլի առաջատարն է համարվում, իսկ կենտրոնամետ թեկնածու, էկոնոմկայի նախկին նախարար Էմանուել Մարկոնը 23%-ով երկրորդն է։

Հարցումներից պարզ է դառնում, որ Ֆրանսիայի լարված ընտրապայքարը վնասում է ֆինանսական շուկաներին, քանի որ թե՛ Մելանշոնը, թե՛ Լը Պենը ցանկանում են հանրաքվե անցկացնել ԵՄ-ի կազմից դուրս գալու հարցով։

Անդրադառնալով իր հակառակորդների բողոքներին՝ Լը Պենը չի ընդունել Երկրորդ համաշխարհային պատերազմի ժամանակ Ֆրանսիայի մեղավորությունը հրեաների մասսայական ձերբակալությունների համար։

«Կարծում եմ՝ եթե կան մարդիկ, որոնք պատասխանատու են այդ դեպքերի համար, ապա դրանք այն ժամանակվա ղեկավարներն են, ոչ թե՝ Ֆրանսիան»,- ասել է Լը Պենը Le Figaro, RTL և LCI լրատվական կազմակերպություններին տված հարցազրույցի ընթացքում։