ՄԱԿ-ի Անվտանգության խորհուրդը չկարողացավ դատապարտել Հյուսիսային Կորեայի հրթիռային փորձարկումները ՌԴ-ի և ԱՄՆ-ի միջև առկա տարաձայնությունների պատճառով

ՄԱԿ-ի Անվտանգության խորհրդին չի հաջողվել ապրիլի 15-ին Հս. Կորեայի կատարած հրթիռային փորձարկումը դատապարտող բանաձևն ընդունել՝ Ռուսաստանի և ԱՄՆ-ի միջև առկա տարաձայնությունների պատճառով: ՄԱԿ-ում Ռուսաստանի մշտական ներկայացուցչության փոխանցմամբ՝ ամերիկյան պատվիրակությունը ձախողել է փաստաթղթի պատրաստման գործընթացը՝ հրաժարվելով դրա մեջ ներառել Կորեական թերակղզու խնդիրը երկխոսությունների միջոցով կարգավորելու կոչը: Այս մասին տեղեկացնում է ՏԱՍՍ լրատվական գործակալությունը:

Ռուսական պատվիրակությունն իր զարմանքն է հայտնել, որ արևմտյան ԶԼՄ-ներում հայտնվել են հայտարարություններ, որոնցում ասվում է, թե Մոսկվան չեղյալ է հայտարարել ԱՄՆ-ի առաջարկած զեկույցի նախագիծը:

«Փաստաթուղթը, որն Անվտանգության խորհրդի դատին էր հանձնվել ապրիլի 19-ին, պարունակում էր նախապես  չհամաձայնեցված մի շարք ձևակերպումներ, որոնք վերաբերում էին  Հյուսիսային Կորեայի հրթիռային փորձարկումները դադապարտելուն», - տեղեկացրել են մշտական ներկացուցչության անդամները:

«Դիմումի ընդհանուր տեքստից հանված էր Կորեական թերակղզում տիրող իրավիճակը «երկխոսությունների միջոցով» լուծելու արտահայտությունը: Ինչպես հայտնի է այս կապակցությունը մեջբերված է ՄԱԿ-ի 2016 թ. Անվտանգության խորհրդի կողմից միաձայն հաստատված վերջին՝ 48-րդ բանաձևից, որը վերաբերում է Հս. Կորեայի դեմ պատժամիջոցների կիրառմանը: Երբ մենք պահանջեցինք քաղաքական մեծ կարևորություն ունեցող այս «արտահայտության» վերականգնումը, ամերիկյան պատվիրակությունը առանց որևէ բացատրության կասեցրեց փաստաթղթի պատրաստման գործընթացը և լրատվամիջոցներին հայտնեց, որ Ռուսաստանը դեմ է գործընթացի շարունակմանը», - ասվում է մշտական ներկայացուցչության հայտարարության մեջ: