Հակաահաբեկչական գործողություններ՝ Կատալոնիայում
Կատալոնիայի ոստիկանությունը հակաահաբեկչական գործողություններ է իրականացնում Բարսելոնայի մի շարք բնակավայրերում: Այս մասին հայտնում է ՏԱՍՍ-ը՝ հղում կատարելով իսպանական աղբյուրներին:
Կատալոնիայի իրավապահ մարմինների փոխանցմամբ՝ գործողությունը սկսվել է տեղական ժամանակով 4.30-ին: Մինչ այս պահը նրանք արդեն իրականացրել են 12 խուզարկում և մի քանի ձերբակալություն, որոնց թիվը դեռևս պարզ չէ:
Հետաքննությունը սկսվել է մոտավորապես ութ ամիս առաջ: Նախնական տվայլների համաձայն՝ խոսքը գնում է կազմակերպված հանցագործության և ահաբեկչական կազմակերպությունների հետ կապ ունեցող խմբավորումների մասին: Նշվում է նաև, որ հետաքննության ընթացքում կատալոնական ոստիկանությանը աջակցել են Բելգիայի իրավապահ մարմինները:
Ներկա պահին Իսպանիայում ահաբեկչության սպառնալիքի՝ հինգ հնարավորից չորրորդ աստիճան է հայտարարված: Այստեղ պարբերաբար անցկացվում են ենթադրյալ ծայրահեղականների ձերբակալման գործողություններ: Իսպանիայի ներքին գործերի նախարարության տվյալներով՝ 2015 թ.-ից առ այսօր ահաբեկչական կապերի մեղադրանքով ավելի քան 200 մարդ է ձերբակալվել: