Ռուսական օդուժի խոսակցությունները գաղտնալսող բրիտանական լրտեսական օդանավ է հայտնաբերվել
2.99 ֆունտ արժեցող բջջային հավելվածի միջոցով հայտնաբերվել է բրիտանական հույժ գաղտնի լրտեսական օդանավ, որն ուղարկված էր Վլադիմի Պուտինի օդուժի խոսակցությունները գաղտնալսելու առաքելությամբ: Այս մասին գրում է Daily Mail պարբերականը:
650 միլիոն ֆունտ արժողությամբ «Rivet Joint» կոչվող ռազմական օդանավը նկատվել է 8200 մետր բարձրության վրա, երբ փորձել է տեղեկատվություն հավաքել Բալթիկ ծովում գտնվող ռուսական ռազմաբազայի վերաբերյալ:
Կալինինգրադի ռազմածովային ավիաբազայի խիստ գաղտնի առաքելության ձայնագրությունը հայտնվել է համացանցում և բազմաթիվ դիտումներ հավաքել:
Երեքշաբթի՝ ապրիլի 25-ին մեկնարկած անգլոամերիկյան համատեղ գործողությունն իրականացվում է Ռուսաստանի նախագահ Վլադիմիր Պուտինի և ՆԱՏՕ-ի միջև լարվածությանն ընդառաջ:
Ինքնաթիռ վերահսկողները գրառել էին ինքնաթիռի արագությունը, թռիչքի ուղղությունը և ուղերթի համարը, երբ այն մոտեցել է ռուսական ափին:
Թագավորական Միացյալ ծառայությունների ինստիտուտի ղեկավար Ջասթին Բրոնքը բացատրել է. « «Rivet Joint»-ը հատուկ գործողություններ է իրականացնում ռուսական օդուժում, ինչպես օրինակ՝ որոնում է նրանց ռադարները: Մեծ Բրիտանիային և ԱՄՆ-ին անհրաժեշտ է իմանալ ռուսական բարձր հաճախականության ռադարների աշխատանքը»:
«Մեծ Բրիտանիան և ԱՄՆ-ն ցանկանում են պատասխան ստանալ, քանի որ ռուսները չեն հրապարակում իրենց բարձր հաճախականության ռադարների տվյալները, որպեսզի բրիտանական և ամերիկյան ծառայությունները նույնպես վերլուծության իրականացնեն»,- նշել է Բրոնքը:
Պաշտպանական ուժերը նշել են, որ օդանավի գործողությունները համաձայնեցված են Քաղաքացիական ավիացիայի միջազգային կազմակերպության հետ: