Սիրիական կառավարության պատվիրակությունը ժամանել է Աստանա

Սիրիայի կառավարության պատվիրակությունը ՄԱԿ-ում Սիրիայի մշտական ներկայացուցիչ Բաշար Ջաաֆարիի գլխավորությամբ ժամանել է Աստանա՝ մասնակցելու սիրիական հակամարտության հարցով բանակցություններին։ Այս մասին հայտնել է սիրիական «SANA» լրատվական գործակալությունը։

Սիրիական հակամարտության կարգավորման հարցով բարձր մակարդակի 4-րդ բանակցությունները կայանալու են այս ամսվա 3-4-ին։ Նախորդ հանդիպումը, որին մասնակցել են Ռուսաստանի, Իրանի , Թուրքիայի պատվիրակությունները, Հորդանանի, ԱՄՆ-ի և ՄԱԿ-ի ներկայացուցիչները, կայացել է մարտի 14-15-ին։