Էրդողանն անձամբ է հետևում իր թիկնապահների և ցուցարարների միջև ծեծկռտուքին (տեսանյութ)

«Ամերիկայի ձայն»-ը տեսանյութ է հրապարակել, որտեղ երևում է, թե ինչպես է Թուրքիայի նախագահ Ռեջեփ Թայիփ Էրդողանն անձամբ հետևում Վաշինգտոնում հայ և քուրդ համայնքների կողմից կազմակերպված ցույցի ընթացքում տեղի ունեցող ծեծկռտուքին։

Հիշեցնենք, որ Վաշինգտոնի հայ և քուրդ համայնքները բողոքի ացկիա էին կազմակերպել Թուրքիայի նախագահ Ռեջեփ Թայիփ Էրդողանի դեմ, որը մայիսի 16-ին Սպիտակ տանը հանդիպում է ունեցել Դոնալդ Թրամփի հետ։ Ակցիան սկսելուց քիչ անց Էրդողանին սատարող մի խումբ մարդիկ հարձակվել էին խաղաղ ցուցարարների վրա։ Տեղի ունեցած բախումների հետևանքով հիվանդանոց էր տեղափոխվել 9 մարդ, որոնցից մեկի վիճակը ծայրահեղ ծանր է։