Ռուսատանն ի զորու է պատասխանել ցանկացած ագրեսիայի. ՌԴ փոխվարչապետ
ՌԴ փոխվարչապետ Դմիտրի Ռոգոզինը համոզված է, որ Ռուսաստանը կարող է պատասխանել դրսից եկող ցանկացած ագրեսիայի՝ միևնույն ժամանակ բացարձակապես խաղաղ պետություն մնալով. պաշտոնյայի խոսքերը փոխանցում է ՏԱՍՍ-ը:
«Ռուսաստանն անշուշտ խաղաղ պետություն է: Մեզ համար ամենակարևորը մեր սահմանների և մեր համախոհների անվտանգության ապահովումն է: Բայց և այնպես, մենք այնպիսի զինատեսակներ ունենք, որանք կարող են հակահարված տալ ցանկացած թշնամու»,- հայտարարել է ՌԴ փոխվարչապետը:
Ավելի վաղ՝ «մինչև 2025 թ. ՌԴ Զինված ուժերի վերազինման նախագծի» կազմման համար տեղի ունեցած խորհրդակցության ընթացքում Վլադիմիր Պուտինը նշել էր, որ 2018-2025 թ.թ. ընթացքում վերազինման պետական ծրագիրը թույլ կտա բարձրացնել ռուսական զինված ուժերի մարտունակությունը:
ՌԴ պաշտպանության նախարար Սերգեյ Շոյգուն ավելի վաղ հայտարարել էր, որ ծրագիրը կարժենա 30 տրիլիոն ռուբլի: Ենթադրվում է, որ այդ նախագիծը կհաստատվի 2017 թ. ամռանը:
Պաշտպանության նախարարի տեղեկացմամբ՝ վերազինման նախագիծը ներառում է ինտելեկտուալ զենքի ստեղծում, տիեզերական խմբերի թարմացում, ինչպես նաև ավտոմատ կառավարման համակարգերի, կապի և հետախուզության նորագույն սարքավորումների, օդային և ցամաքային անօդաչու սարքերի կիրառում:
Ռոգոզինը հավելել է, որ Ռուսաստանը պարաստվում է նաև հրաժարվել հին զինատեսակների արդիականացումից, քանի որ «դա կասեցնում է վերազինման նախագծի առաջընթացը»: