Աբեն և Մակրոնը քննարկել են Ռուսաստանի հետ համագործակցության հնարավորությունը

Ճապոնիայի վարչապետ Սինձո Աբեն և Ֆրանսիայի նախագահ Էմանուել Մակրոնի հետ հանդիպման ընթացքում քննարկել է Ռուսաստանի հետ համագործակցության կարևորությունը: Այս մասին լրագրողներին հայտարարել է Ճապոնիայի արտաքին գործերի նախարարության պաշտոնական ներկայացուցիչ Նորիո Մարույաման:

Պաշտոնյայի խոսքերով՝ երկու կողմերը քննարկել են Հյուսիսային Կորեայի հարցը, ինչպես նաև Ռուսաստանի նախագահ Վլադիմիր Պուտինի՝ մայիսի 29-ին Ֆրանսիա կատարելիք այցը:

«Առաջնորդները համաձայնել են, որ միջազգային հարցերում Ռուսաստանի մասնակցությունը շատ կարևոր է, և որ ավելի կարևոր է Ռուսաստանի հետ երկխոսության հաստատումը»,- նշել է Մարույաման:

Հիշեցնենք, որ մայիսի 22-ին Կրեմլի մամլո ծառայությունը հաստատել է, որ մայիսի 29-ին Պուտինը կհանդիպի Մակրոնի հետ: Հանդիպման ընթացքում նախագահները կքննարկեն երկկողմ հարաբերությունների զարգացման հեռանկարները: