Հյուսիսային Կորեան նոր հրթիռային փորձարկում է կատարել
![](https://www.noror.am/sites/default/files/styles/header_image/public/header-images/north_korea_4.jpg?itok=69ZPISqH)
Հյուսիսային Կորեան հրթիռային նոր փորձարկում է կատարել։ Հրթիռի տեսակը դեռևս հայտնի չէ, սակայն ենթադրվում է, որ դա բալիստիկ հրթիռ է եղել։ Այս մասին գրում է Yonhap լրատվական գործակալությունը՝ հղում կատարելով Հարավային Կորեայի պաշտպանության նախարարության հայտարարությունը։
Գործակալության տեղեկությունների համաձայն՝ փորձարկումն իրականացվել է հյուսիսկորեական Վոնսան նահագից՝ արևելյան ուղղությամբ։ Հարավկորեացի զինվորականների տվյալներով՝ հրթիռը թռչել է կմ Ճապոնական ծովի ուղղությամբ մոտ 450 կմ։
Հարավային Կորեայի նախագահ Մուն Չժե Ինը Ազգային անվտանգության խորհրդի արտահերթ նիստ է հրավիրել։
Արձակված հրթիռը, ենթադրաբար, ընկել է ճապոնական հատուկ տնտեսական գոտու շրջանում. այս մասին հաղորդում է Reuters-ը՝ հղում կատարելով Ճապոնիայի նախարարների պալատի գլխավոր քարտուղար Յոսիհիդե Սուգուին։
«Ներկա պահին մենք ոչ մի տեղեկություն չունենք օդային կամ ծովային օբյեկտների վնասման մասին։ Այս փորձարկումը ուղղակիորեն խախտում է ՄԱԿ-ի Անվտանգության խորհրդի բանաձևերը։ Մենք վճռական բողոք ենք ներկայցնում Հս. Կորեայի դեմ», - նշել է Սուգուն։
NHK հետուստաալիքի տվյալների համաձայն՝ թռիչքի բարձրությունն ընդամենը 100 կմ է եղել, իսկ հրթիռը հազիվ է հասել ճապոնական հատուկ տնտեսական գոտի։