Բաղդադում տեղի ունեցած պայթյունների հետևանքով զոհվել է մոտ երեք տասնյակ մարդ

Մայիսի 30-ին Իրաքի մայրաքաղաք Բաղդադում տեղի ունեցած երկու պայթյունների հետևանքով զոհվել է ավելի քան 27 մարդ, տարբեր աստիճանի մարմնական վնասվածքներ են ստացել՝ ավելի քան 100-ը։ Այս մասին տեղեկացնում է Al Arabia հետուստաալիքը։

Երեկ գիշեր «Իսլամական պետություն» ահաբեկչական խմբավորումը Բաղդադի Էլ-Քարադ թաղամասում ականապատ մեքենա է պայթեցրել։

Al Arabia-ի տվյալներով՝ առաջին հարձակման արդյունքում 16 մարդ է զոհվել, 75-ն ստացել են տարբեր աստիճանի մարմնական վնասվածքներ։

Երկրորդ պայթյունը որոտացել է առավոտյան Աշ-Շուհադաա կամրջի մոտակայքում. պայթուցիկ սարքը տեղադրված է եղել ավտոմեքենայում։ Ավելի քան 11 մարդ զոհվել է, վիրավորվել են՝ 35-ը։

Երկրորդ պայթյունի համար Իրաքում գործող ոչ մի ծայրահեղական խմբավորում դեռևս պատասխանատվություն չի ստանձնել։