Սիրիայի կառավարական ուժերն սպառնում են հակահարված տալ ԱՄՆ-ին

Սիրիայի Զինված ուժերի օպերատիվ շտաբի դաշնակիցները, որոնց թվում են նաև լիբանանյան «Հեզբոլլահ» շարժումը և Իրանը, հայտնել են ամերիկացի զինվորականների դիրքերն, արաժեշտության դեպքում, գրոհելու իրենց պատրաստակամության մասին։

Հունիսի 6-ին ԱՄՆ-ի գլխավորած միջազգային կոալիցիան հարվածներ է հասցրել Սիրիայի կառավարական ուժերի՝ Ալ Թանֆա բնակավայրում գտնվող դիրքերին, ինչի հետևանքով երկու զինծառայող է զոհվել։ Վաշինգտոնն իր գործողությունները բացատրել է նրանով, որ սիրիացի զինվորականները և նրանց զինտեխնիկան «վտանգ էին ներկայացնում կոալիցիոն ուժերի և նրանց դաշնակիցների համար»։

Ալ Թանֆայում նմանատիպ դեպք գրանցվել էր նաև այս տարվա մայիսի 18-ին. այդ ժամանակ նույնպես ԱՄՆ-ի գխավորած կոալիցիան հարվածներ էր հասցրել կառավարական ուժերին։

«Սիրիացի զավակների և մեր դաշնակիցների արյունն էժան չէ, և ԱՄՆ-ին հակահարված տալը նույնպես ունի ժամ՝ հաշվի առնելով մի շարք հանգամանքներ», - նշված է Սիրիայի դաշնակիցների շտաբի հայտարարության մեջ։

Շտաբն այդ հարձակումն անվանել է նաև «փոքրհոգի ագրեսիա» և ահաբեկչության դեմ պայքարում «ԱՄՆ-ի երեսպաշտության հերթական ապացույց»։

Կոալիցիայի հարձակմանն անդրադարձել է նաև ՌԴ արտգործնախարարությունը։ Ռուսաստանի արտաքին քաղաքական գերատեսչության ղեկավար Սերգեյ Լավրովը նշել է, որ հարձակման են ենթարկվել Իրաքի և Սիրիայի միջև ահաբեկիչների կամուրջները պայթեցնել փորձող ուժերը։