Վաշինգտոնում մահափորձ է կատարվել բարձրաստիճան կոնգրեսմենի նկատմամբ
![](https://www.noror.am/sites/default/files/styles/header_image/public/header-images/virginia_kogresman.jpg?itok=PTXLTdO4)
Վաշինգտոնում անհայտ անձը կրակ է բացել մարդկանց վրա, որոնց մեջ է եղել նաև Կոնգրեսի Ներկայացուցիչների պալատի հանրապետականների խմբակցության համակարգող Սթիվ Սկալիզը. տեղեկացնում է Fox News-ը:
Հեռուստաալիքի տվյալներով՝ պաշտոնյան ազդրի վնասվածք է ստացել. նրա վիճակը կայուն է:
«Ընդհանուր առմամբ տուժել է հինգ մարդ: Ոստիակնությունը ձերբակալել է կասկածյալին»,- CNN-ի եթերում հայտարարել է Ներկայացուցիչների պալատի պատգամավոր Մո Բրուքսը:
Հրաձգությունը տեղի է ունեցել Վիրջինիայում՝ Ներկայացուցիչների պալատի անդամների հանդիպման ընթացքում: Այդ պահին Սկալիզը և նրա օգնականները բեյսբոլի դաշտում մարզվելիս են եղել: Բրուքսի խոսքերով՝ դեպքի վայրում եղել է հանրապետական Բրեդ Վենստրուփը՝ մասնագիտությամբ բժիշկ, որն էլ առաջին բուժօգնություն է ցույց տվել վիրավորներին:
CNN-ի տվյալներով՝ հրաձգությունը տևել է մի քանի րոպե. ընդհանուր առմամբ 50-100 կրակոց է արվել ինքնաձիգ զենքից: Միջադեպի մասին արդեն տեղեկացրել են նախագահ Դոնալդ Թրամփին: