Անկարայում ԱՄՆ-ի դեսպանը հրավիրվել է Թուրքիայի ԱԳՆ Էրդողանի թիկնապահների ձեբակալման հրամանը պարզաբանելու համար
Թուրքիայում ԱՄՆ-ի դեսպան Ջոն Բասը հրավիրվել է արտաքին գործերի նախարարություն, որտեղ նրան անհամաձայնություն են հայտնել Թուրքիայի նախագահ Ռեջեփ Թայիփ Էրդողանի անվտանգության աշխատակիցներին ամերիկյան իշխանություններին արտահանձնելու վերաբերյալ. գրում է RT-ն:
«Անկարայում ԱՄՆ-ի դեսպանը հրավիրվել է Թուրքիայի արտգործնախարարի տեղակալ Ումիտ Յալչինի հետ հանդիպման՝ Թուրքիայի մի քանի քաղաքացիների, այդ թվում նախագահի թիկնապահների ձերբակալման վերաբերյալ ամերիկյան իշխանությունների արձակած հրամանը քննարկելու համար: Վերջինս կապված է մայիսի 16-ին Վաշինգտոնում թուրքական դեսպանատան առաջ տեղի ունեցած միջադեպի հետ: Դեսպանին ներկայացվեց, որ դա սխալ, կողմնակալ և իրավական հիմքեր չունեցող որոշում է»,- հաղորդում է Թուրքիայի արտգործնախարարության մամուլի ծառայությունը:
Հիշեցնենք, որ Էրդողանի՝ ԱՄՆ կատարած այցից դժգոհ ցուցարարները հավաքվել էին Վաշինգտոնում Թուրքիայի դեսպանատան առաջ: Թուրքիայի նախագահի անվտանգության աշխատակիցները փորձել էին հեռացնել ցուցարարներին, որի արդյուքում ծեծկռտուք էր սկսվել: Ոստիկանության աշխատանիցները փորձել էին բաժանել նրանց: Անկարգությունների հետևանքով ինը մարդ էր տուժել, երկուսը ձերբակալվել էին:
RT-ն նշում է, որ ամերիկացի դեսպանը մայիսի 22-ին նույնպես հրավիրվել էր Թուրքիայի ԱԳՆ, որտեղ քննարկվել էր ԱՄՆ-ում Ռեջեփ Թայիփ Էրդողանի համար ոչ պատշաճ անվտանգություն ապահովելու հարցը: