Փարիզում կողոպտվել է խոշորագույն ռուսական ընկերության պատվիրակության ղեկավարը

Փարիզում՝ Լը Բուրժեի միջազգային ավիատիեզերական սրահում, հարձակում են գործել «Ռոսոբորոնէքսպորտ» ընկերության պատվիրակության ղեկավար Սերգեյ Կոնևի վրա։ Ռուսաստանի ԱԳՆ-ն արդեն հայտագիր է ուղարկել Ֆրանսիա՝ խնդրելով մանրամասն հետաքննություն անցկացնել գործարարի կողոպտման գործով. այս մասին տեղեկացնում է Ռիա Նովոստին։

Լը Բուրժեի փարիզյան սրահն աշխարհում ավիացիոն սարքավորումների խոշորագույն ցուցահանդեսներից է։ Միջոցառումը կազմակերպվում է Փարիզից 12 կմ հեռավորության վրա երկու տարին մեկ անգամ։

Ռիա Նովոստի-ի փոխանցմամբ՝ դեպքը տեղի է ունեցել Սեն-Դենի թաղամասում  հունսի 20-ի երեկոյան, երբ Կորնևը վերադառնում էր ցուցահանդեսից։

«Թունելի ելքի մոտ կողոպտիչները, կոտրելով մեքենայի ապակին և սպառնալով ֆիզիկական բռնություն կիրառել, պահանջել են փող և թանկարժեք իրեր։ Արագ արձագանքման և ինքնատիրապետման շնորհիվ՝ Սերգեյ Կորնևը կարողացել է պահել անձնագիրը և փաստաթղթերը»,- Ռիա Նովոստի-ին հայտնել է Ռազմատեխնիկական համագործակցության հարցերով դաշնային խորհրդի ներկայացուցիչ Մարիա Վորոբյովան։

Նրա խոսքերով՝ պաշտոնյան թեթև վնասվածքներ է ստացել, բայց հրաժարվել է հիվանդանոց տեղափոխվելուց։ Ավտոմեքենայի վարորդը չի տուժել։

Ֆրանսիական ոստիկանությունն արդեն չորս կասկածյալի է ձերբակալել՝ կողոպուտ իրականացնելու մեղադրանքով։

ՌԴ արտգործնախարարությունը հայտագիր է ուղարկել Փարիզ՝ խնդրելով մանրամասն հետաքննել Ռոսոբորոնէքսպորտի պատվիրակության ղեկավարի մեքենայի վրա իրականցրած հարձակումը։

Փորձագետների հավաստմամբ՝ հանցագործության աճը բնորոշ է բոլոր եվրոպական երկրներին, որը պայմանավորված է ներգաղթյալների մեծ հոսքով։

Ինչպես նշում է Ռիա Նովոստի-ն վերջին տարիներին Ֆրանսիայում կողոպտիչների զոհն են դարձել հայտնի մարդիկ, ինչպես օրինակ՝ Ֆրանսիայի նախկին վարչապետ Բերնար Կազնևը, նախկին «N1 ահաբեկիչ» Ուսամա բեն Լադենի ընտանիքը, միլիարդատեր Էդուարդ Ռոդշիլդան և ամերիկահայ աստղ Քիմ Քարդաշյանը։