Որպես սիրիացի ներկայացած ուկրաինացի փախստականները դատի են տվել Գերմանիայի իշխանություններին

Ուկրաինայից մի ընտանիք, որը Գերմաիայում փախստականի կարգավիճակ էր ստացել՝ ներկայանալով որպես սիրիացիներ, դատի է տվել Գերմանիայի իշխանություններին, երբ սուտը բացահայտելուց հետո նրանք փորձել են չեղարկել կարգավիճակ տալու մասին իրենց որոշումը։ Այս մասին գրում է Die Welt թերթը։

Աղբյուրի փոխանցմամբ՝ ընտանիքը Գերմանիա է տեղափոխվել 2014 թվականին։ Նրանք ապաստան էր խնդրել իշխանություններից՝ պնդելով, որ եկել են Սիրիայից։ Միգրացիայի և փախստականների հարցերով դաշնային գործակալությունը 2015 թ․ մարտին բավարարել է նրանց խնդրանքը։

Դրանից հետո ընտանիքը տեղափոխվել էր Մյունստեր քաղաքում գտնվող փախստականների հանրակացարան։ Նրանք այնտեղի մյուս բնակիչների մոտ պարծեցել են, թե որքան հեշտ են կարողացել խաբել իշխանություներին և ներկայանալ որպես սիրիացիներ՝ չիմանալով արաբերեն ոչ մի բառ։

Ինչպես նշում է թերթը, ուկրաինացի փախստականների ընտանիքը դատի է տվել իշխանություններին՝ վկայակոչելով օրինական ակնկալիքների պաշտպանության իրավական սկզբունքը, որը թույլ է տալիս քաղաքացիներին վստահ լինել, որ իշխանությունները չեն չեղարկի արդեն ընդունած որոշումը։ Գործով այժմ զբաղվում է Մյունստերի վարչական դատարանը։