Գերմանիայի ԱԳ նախարարը հույս ունի G20-ի շրջանակում կազմակերպել Պուտինի և Թրամփի հանդիպումը

Գերմանիայի արտաքին գործերի նախարար Սիգմար Գաբրիելը հույս ունի, որի հուլիսի 7-8-ին Համբուրգում կայանալիք G20-ի գագաթնաժողովի ժամանակ հնարավոր կլինի կազմակերպել Վլադիմիր Պուտինի և Դոնալդ Թրամփի հանդիպումը։

«Մեծ քսանյակի երկրների գագաթնաժողովը խոշոր միջոցառում է։ Մենք հույս ունենք, որ դրա շրջանակում հնարավորություն կունենանք կազմակերպել Ձեր և ԱՄՆ-ի նախագահի՝ այդքան սպասված հանդիպումը», - Կրեմլում Պուտինի հետ հանդիպման ժամանակ հայտարարել է Գերմանիայի ԱԳ նախարարը։

Նրա խոսքով՝ Բեռլինի հույս ունի նաև G20-ի ժամանակ կնքել կլիմայական փոփոխությունների մասին նոր համաձայնագիր։

«Մեծ հույսեր ենք կապում երկխոսության հետ, որը կայանալու է քսան պետության ղեկավարների միջև։ Մեծ աշխատանք ունենք մեր առաջ», - եզրափակել է Գաբրիելը։

Հիշեցնենք, որ ավելի վաղ Բրազիլիայի նախագահ Միշել Թեմերը չեղարկել է իր մասնակցությունը Գերմանիայում կայանալիք G20-ի գագաթնաժողովին։ Որոշումը կայացվել էր կոռուպցիոն խոշոր սկանդալի ֆոնին։