Պուտինն ու Թրամփը քննարկել են ահաբեկչության դեմ պայքարը, Սիրիայում և Ուկրանիայում տիրող իրավիճակը
ՌԴ նախագահ Վլադիմիր Պուտինը հայտնել է, որ իր ամերիկացի գործընկերոջ հետ քննարկել է Ուկրաինայում և Սիրիայում տիրող իրավիճակը, ինչպես նաև ահաբեկչության դեմ պայքարը, կիբերհանցագործությունները և կիբերանվտանգությունը:
«Ես բավականին երկար զրույց ունեցա ԱՄՆ-ի նախագահի հետ: Շատ հարցեր էին կուտակվել՝ Ուկրաինան, Սիրիան և այլ երկկողմ խնդիրներ: Ապա մենք կրկին անդրադարձանք ահաբեկչության դեմ պայքարին և կիբերանվտանգությանը»,- Ճապոնիայի վարչապետ Սինձո Աբեի հետ հանդիպման ժամանակ ասել է Ռուսաստանի նախագահը:
Ինչպես տեղեկացնում է ՏԱՍՍ-ը, Պուտինը ներողություն է խնդրել Ճապոնիայի վարչապետից՝ իրենց հանդիպմանը մոտ մեկ ժամ ուշ ներկայանալու համար. «Ներողություն եմ խնդրում իմ և ԱՄՆ-ի նախագահի անունից»:
Ռուսաստանի և ԱՄՆ-ի նախագահների առաջին հանդիպումը տևել է 2 ժամ 15 րոպե. մինչ այդ նրանք միայն հեռախոսազրույցներ են ունեցել:
Սկսելով բանակցությունները՝ Պուտինը և Թրամփը կողմ են արտահայտվել երկխոսության զարգացմանը: Առաջնորդների հանդիպումն անցել է առանց լրատվամիջոցների ներկայության: Բանակցություններին մասնակցել են նաև ՌԴ-ի և ԱՄՆ-ի արտգործնախարարները:
«Թեև ես սպասում էի մեր այսօրվա հանդիպմանը, բազմիցս նշել եմ, որ Ուկրաինայի, Սիրիայի, Հյուսիսային Կորեայի և այլ համաշխարհային խնդիրների կարգավորման համար Ռուսաստանի և ԱՄՆ-ի առաջնորդների հանդիպումն անհրաժեշտ է»,- ասել է Ճապոնիայի վարչապետը Պուտինի հետ հանդիպման ժամանակ:
Վերջին հոդվածները
ԱՄՆ-ը չի բացառում Սիրիայից զորքերի դուրբերումը չեղարկելու հնարավորությունը․ Չավուշօղլու
Վենեսուելական դատարանը ձերբակալել է ընդդիմության առաջնորդի խորհրդականին
Վիեննայում մեկնարկել են Նիկոլ Փաշինյանի ու Իլհամ Ալիևի բանակցությունները (տեսանյութ)
ՄԱԿ-ում կարծում են, որ ԵՄ-ի հակառուսական պատժամիջոցներից ավելի շատ տուժում է եվրոպական կողմը
ՀՀ ԱԳՆ-ը հաստատում է Նիկոլ Փաշինյանի և Իլհամ Ալիևի հանդիպման մասին լուրերը
