ՄԱԿ-ը կոչ է անում փախստականներին Եվրոպա տեղափոխելու անվտանգ ուղիներ մշակել
Անհրաժեշտ է փախստականներին տեղափոխելու նոր, անվտանգ ուղիների գտնել, որոնք կփոխարինեն արդեն հազարավոր մարդկանց կյանքեր խլած միջերկրածովյան երթուղուն. հայտարարել է փախստականների հարցերով ՄԱԿ-ի գրասենյակի հատուկ ներկայացուցիչ Վինսենթ Քոշաթելը:
«Փախստականների և ներգաղթյալների տեղաշարժը Սահարայով և Միջերկրական ծովով շատ կյանքեր է խլում: Մենք պետք է գործող այլընտրանքներ առաջարկենք՝ հակառակ դեպքում տառապողների և մահացողների թիվը կշարունակի աճել»,- նրա հայտարարությունը փոխանցում է Ռիա Նովոստի-ն:
Քոշաթելի խոսքով՝ փախստականների հարցերով ՄԱԿ-ի գրասենյակը պատրաստվում է գնահատել ներկայիս իրավիճակը՝ դեպի Եվրոպա ուղևորվող փախստականներին պաշտպանելու նոր, արդյունավետ միջոցներ առաջարկելու համար: Այս նպատակի համար գործակալությանը 41,2 միլիոն դոլար է անհրաժետ, որը կօտագործվի երեք ուղղությամբ՝ կտրամադրվի այն երկրներին, որտեղից մարդիկ փախչում են, եվրոպական այն երկրներին, որոնք ընդունում են փախստականներին և Սահարայի հարավում գտնվող տարանցիկ պետություններին:
ՄԱԿ-ի տվյալների համաձայն՝ այս տարվա առաջին վեց ամիսների ընթացքում Սահարայով և Միջերկրական ծովով Եվրոպա հասնել ցանկացող ներգաղթյալներից 2171-ը զոհվել կամ անհետ կորել է: