Բնապահպանները Փարիզում կաշալոտի մակետ են տեղադրել
![](https://www.noror.am/sites/default/files/styles/header_image/public/header-images/jshdv.jpg?itok=HfcGYlKa)
Փարիզում՝ Սենա գետի ափին, կաշալոտի 18 մետրանոց մակետ են տեղադրվել: Այս ակցիան նվիրված է Paris l’été («Ամառը Փարիզում») փառատոնին, որը կշարունակվի մինչև օգոստոսի 5-ը. տեղեկացնում է Le Parisien-ը:
Անցորդներին ապացուցելու համար, որ կաշալոտն իրոք ափ է շպրտվել, մի տեսարան է բեմադրվել հետազոտողների դեր տանող դերասանների մասնակցությամբ, որոնք «ուսումնասիրում էին» կենդանուն: Իրավիճակն ավելի իրատեսական դարձնելու համար դեպքի վայրը շրջափակվել է:
BFM TV-ն մանրամասնել է, որ պլաստմասե կետով ներկայացումը բելգիական Captain Boomer կազմակերպության ակտիվիստների աշխատանքն է: Ավելի վաղ նրանք արդեն նմանատիպ միջոցառումներ կազմակերպել են: Ակցիայի նպատակն է ուշադրություն հրավիրել այն փաստի վրա, որ «մեր էկոհամակարգը ոչնչացված է»: