«Ջեբհաթ ալ Նուսրա»-ի հազարից ավել ահաբեկիչներ դուրս են բերվել Լիբիայի տարածքից. ԶԼՄ-ներ
Օգոստոսի 2-ին ավարտվել է «Ջեբհաթ ալ Նուսրա» խմբավորման ահաբեկիչների դուրսբերումը լիբանանասիրիական սահմանի Էրսալ լեռնային շրջանից: Al Mayadeen հեռուստաալիքի տվյալների համաձայն՝ 1116 գրոհայիններ և նրանց ազգականները (ընդհանուր առմամբ 7800 մարդ) ավտոբուսներով տեղափոխվել են Ֆլիտա սիրիական բնակավայրը, որտեղից նրանք կուղարկվեն ավազակախմբերի վերահսկողության տակ գտնվող Իդլիբ նահագ:
ՏԱՍՍ-ի փոխանցմամբ՝ առաջիկա 48 ժամվա ընթացքում կսկսվի «Սարայա Ահլ աշ Շամ» ջոկատի զինված ընդդիմադիրների դուրսբերումն Էրսալից: Նրանք՝ իրենց ընտանիքների հետ միասին (ընդհանուր առմամբ 3 հազար մարդ) կտեղավորվեն Սիրիայի արևմտյան Կալյամուն շրջանում: Այս զինյալների և սիրիական կառավարության միջև տեղական հաշտեցման մասին համաձայնագիր է կնքվել:
Հուլիսի 21-ից 26-ն իրականացվող գործողությունների ընթացքում սիրիական բանակին աջակցող շիական «Հեզբոլլահ» խմբավորմանը հաջողվել է ավազակախմբերից ազատել նրանց վերահսկողության տակ գտնվող սահմանային տարածքի 95%-ը: Հուլիսի 27-ին գրոհայինները համաձայնել էին զինադադարի հաստատմանը և ընդունել ռազմական գործողությունների դադարեցման պայմանները:
Նշենք, որ վեց տարի շարունակ ավազակախմբերն օգտագործել էին Էրսալի և Ֆլիթի լեռնային կիրճերը՝ դեպի Սիրիա զենք և վարձկաններ ուղակելու նպատակով: