ՌԴ ԱԳՆ-ն քննադատել է ահաբեկիչներին դատապարտելու ՄԱԿ-ի Անվտանգության խորհրդի անկարողությունը
Ահաբեկիչների քայլերը դատապարտելու ՄԱԿ-ի Անվտանգության խորհրդի անկարողությունը նրանց դրդում է նոր սադրանքների և հարձակումների, և
թույլ է տալիս զգալ անպատժելիությունը. այս մասին ասվում է Ռուսաստանի ԱԳՆ-ի հայտարարության մեջ:
Փաստաթղթում նշվում է, որ մեկ ամսվա ընթացքում արդեն երրորդ անգամ Անվտանգության խորհրդում ԱՄՆ-ի, Մեծ Բրիտանիայի, Ֆրանսիայի և Ուկրաինայի ներկայացուցիչները տարբեր պատճառներով արգելափակել են Ռուսաստանի առաջարկած համառոտ նախագիծը, որը դատապարտում է Դամասկոսում ռուսական դիվանագիտական ներկայացուցչության վրա կատարված ահաբեկչական գործողությունները: Դրա վրա կրակ են բացել «Հեյաթ Թահրիր աշ Շամ» (նախկինում «Ջեբհաթ ալ Նուսրա») և «Ֆայլաք Ար Ռահման» խմբավորումները: Ընդ որում ԱԳՆ-ն հիշեցրել է, որ «Ջեբհաթ ալ Նուսրա»-ն աշխարհում համարվում է ահաբեկչական խմբավորում:
«Մեզ հետ դիվանագիտական համերաշխություն պահպանելու դժկամությունը թող մնա այդ պատվիրակություններին խղճին»,- նշել են գերատեսչությունում՝ հավելելով, որ չէին ցանկանա՝ «այդ բարբարոսների մոտ այնպիսի տպավորություն ստեղծվեր, թե Անվտանգության խորհրդում ինչ-որ մեկն իրենց կողմից է»:
Ինչպես նշում է Լենտա-ն, հուլիսի 26-ին ՄԱԿ-ում Ռուսաստանի մշտական ներկայացուցչությունը տեղեկացրել էր, որ Անվտանգության խորհրդի որոշ անդամներ կրկին ապացույցների բացակայության կեղծ պատրվակով հրաժարվել են ընդունել Սիրիայում ռուսական դեպանատան վրա կատարված ահաբեկչական հարձակման մասին հայտարարության նախագիծը:
Վերջին ամիսների ընթացքում Ռուսաստանի դիվանագիտական առաքելության շենքը մի քանի անգամ հարձակման է ենթարկվել: Վերջին հարձակումն իրականացվել է օգոստոսի 2-ին. դեսպանատան ուղղությամբ երկու արկ է նետվել: