Սիցիլիայում հրշեջները միտումնավոր հրդեհներ են կազմակերպել

Սիցիլիայում ոստիկանությունը բացահայտել է հրշեջների խումբ, որը միտումնավոր հրդեհներ է կազմակերպել բոնուսային վճարների ստանալու համար։ Այս մասին գրում է Ռիա Նովոստի-ն։

Հետաքննությունն սկսվել է այն բանից հետո, երբ ղեկավարությունը նկատել է 15 հրշեջների՝ դեպքի վայր մեկնելու վիճակագրության «անոմալիա»։ Ենթադրվում է, որ այս խումբը միտումնավոր հրդեհներ է կազմակերպել, որպեսզի արտաժամյա աշխատանքի համար գումար ստանա։

Հանցագործ խմբի ղեկավարն անտառային տարածքներ է այցելել իր անձնական մեքենայով, հրդեհել ծառերը, որից հետո արդեն դեպքի վայր է ժամանել հրշեջ մեքենայով։ Դատական գործընթաց է սկսվել, հրշեջների ղեկավարը տնային կալանքի տակ է։

Իտալացի օդերևութաբանները նշում են, որ այս ամառն ամենաշոգն է Ապենինյան թերակղզու եղանակն ուսումնասիրելու 200-ամյա պատմության ընթացքում։