Իսլամական պետությունն ստանձնել են Սինայի հյուսիսում տեղի ունեցած ահաբեկչության պատասխանատվությունը
«Իսլամական պետություն» ահաբեկչական խմբավորման զինյալներն ստանձնել են Սինայի թերակղզու հյուսիսում տեղի ունեցած հարձակման պատասխանատվությունը, որի արդյունքում չորս եգիպտացի ոստիկան է զոհվել. այդ մասին տեղեկացնում է «Ռոյթերս» գործակալությունը։
Հիշեցնենք, որ օգոստոսի 9-ին ծայրահեղականների խումբը հարձակում էր գործել ոստիկանական մեքենայի վրա։ Հարձակումը տեղի է ունեցել Էլ Արիշ քաղաքի ծայրամասում։ Հանցագործներին հաջողվել է փախուստի դիմել։ Անվտանգության ուժերը շրջափակել են դեպքի վայրը և զբաղվում են ահաբեկիչներին գտնելու որոնողական աշխատանքներով։
Եգիպտոսի զինված ուժերը և ոստիկանությունը մի քանի տարի է պայքարում են Սինայի հյուսիսային և կետրոնական մասերում գտնվող ծայրահեղական իսլամիստական խմբավորումների դեմ։ Դրանցից առավել խոշորը «Անսար Բեյթ ալ Մաքդիսն» է, որը հավատարիմ է Իսլամական պետությանը։ Հատուկ ծառայությունների տվյալներով՝ հենց այս ծայրահեղական միավորումն է կանգնած վերջին տարիներին Եգիպտոսում կազմակերպված ահաբեկչական գործողությունների հետևում։