Սիրիական բանակը վերահսկողության տակ է վերցրել Հորդանանի հետ սահմանի կարևոր անցակետը

Սիրիական բանակն ազատագրել է Հորդանանի հետ սահմանի Աբու Շարշուխ հիմնական անցակետը, որը գտնվում է հարավարևելյան Ալ Սուվեյդա նահանգում: SANA գործակալության փոխանցմամբ՝ զինվորականներն ազատագրել են նաև Սադ էզ Զալֆ շրջանում գտնվող բոլոր անցակետերը՝ ահաբեկիչներին դուրս հանելով Թաբքա, Ռուսեյհի, Ասդա և Ազամի բարձունքներից:

Ինչպես տեղեկացնում է ՏԱՍՍ-ը, 7-օրյա մարտերի ընթացքում կառավարական ուժերն Իսլամական պետության գրոհայիններից ազատագրել են մոտ 100 հազար կմ² տարածք: Զորքերին օգնություն են ցուցաբերում սիրիական սոցիալ-ազգայնական կուսակցության ոստիկանները:

Սիրիա-հորդանանական սահմանի (ընդհանուր երկարությունը 375 կմ) արևելյան հատվածի ազատագրումն իրականացվել է «Լուսաբաց» հակաահաբեկչական գործողության շրջանակներում: Բացի Իսլամական պետության ավազակախմբերից՝ Սիրիայի հարավարևելքում բանակային ստորաբաժանումների և աշխարհազորայինների դեմ պայքարում են զինված ընդդիմության խմբավորումները՝ «Ուսուդ ալ Շաքիրյա», «Ջեյշ Աշաիր» և «Քուվաթ Ահմեդ Աբդո», որոնց աջակցություն են ցույց տալիս ԱՄՆ-ը և միջազգային կոալիցիայի դաշնակիցները: