Չինաստանի իշխանությունները փոխել են ցամաքային ուժերի բոլոր 13 զորքերի հրամանատարներին. ԶԼՄ-ներ
Չինաստանի իշխանությունները փոխել են Չինաստանի Ազգային-ազատագրական բանակի բոլոր 13 ցամաքային զորքերի 26 հրամանատարներին և հանձնակատարներին. այդ պաշտոններին նշանակված հրամանատարների ցուցակը հրապարակվել է «Ժենմին ժիբաո» թերթը:
Հայտարարության համաձայն՝ բոլոր սպաները ժամանել են իրենց վստահված զորամասեր:
Ցամաքային զորքերի թվի կրճատման մասին առաջին տեղեկությունները ԶԼՄ-ներում հայտնվել են սույն թվականի մարտին: Ապրիլին Չինաստանի պաշտպանության նախարարությունը հաստատեց դրանց թիվը 18-ից 13-ի հասցնելու մասին լուրը: Նոր զորամիավորումներն ստացել են 71-րդից մինչև 83-րդ հաջորդական համարները և բաժանվել ռազմական հրամանատարության հինգ գոտիների միջև:
Ինչպես նշում է ՏԱՍՍ-ը, 2015 թ. նոյեմբերին Չինաստանի նախագահ Սի Ցզինպինը հայտնել էր Ազգային-ազատագրական բանակում մեծածավալ բարեփոխումներ անցկացնելու մասին: Բացի մինչև 2018 թ. զինված ուժերի թիվը 300 հազարով կրճատելուց (հասցնելով 2 միլիոն զինծառայողի)՝ բարեփոխումները կվերաբերեն նաև բանակի կազմակերպչական անձնակազմի կառուցվածքին, և պետք է ավարտվեն մինչև 2020 թ.: