Սուրգուտում անհայտ անձը դանակահարել է անցորդներին

Ռուսաստանի Սուրգուտ քաղաքում անհայտ անձը դանակով հարձակվել և վիրավորել է մի քանի մարդու. այս մասին տեղեկացնում է Ռիա Նովոստ-ին՝ հղում կատարելով Ռուսաստանի Հետախուզական կոմիտեին:

Միջադեպը տեղի է ունեցել քաղաքի կենտրոնում տեղի ժամանակով 11:20-ին: Անմիջապես դեպքի վայր են ժամանել ոստիկանները և ոչնչացրել հանցագործին: Ռուսաստանի ՆԳՆ-ի՝ Խանտի-Մանսիսկ ինքնավար շրջանի վարչության հաղորդմամբ՝ տղամարդը դիմադրություն է ցույց տվել ձերբակալության ընթացքում, և ոստիկանության աշխատակիցներն ստիպված են եղել կրակ բացել, որի արդյունքում դիմակավորված հանցագործն սպանվել է:

Քննիչները պարզել են հարձակվողի ինքնությունը. նախնական տվյալների համաձայն՝ ծնված տեղի բնակիչ է և ծնվել է 1994 թվականին: Իրավապահ մարմիններն այժմ ստուգում են տեղեկություններն այն մասին, թե նա հոգեկան խանգարումներ է ունեցել:

Ինչպես նշում է Ռիա Նովոստի-ն, հարձակման արդյունքում յոթ մարդ է տուժել. նրանք դեպքի վայրից հիվանդանոց են տեղափոխվել: Յուրգայի իշխանությունները հայտնել են, որ նրանցից չորսը ծանր վիճակում են, մեկի վիճակը գնահատվում է միջին ծանրության, իսկ երկուսն արդեն դուրս են գրվել:

Դեպքի վայրում աշխատում են քննիչներ և քրեագետներ: Քրեական գործ է հարուցվել «մահափորձ կատարելու» հոդվածով: Հետաքննությունն անձամբ վարում է Ռուսաստանի Հետախուզական կոմիտեի ղեկավար Ալեքսանդր Բաստրիկինը: