Խաբարովսկում սպանվել է ծանրամարտի աշխարհի չեմպիոնը (տեսանյութ)
Օգոստոսի 20-ին՝ Խաբարովսկի ժամանակով 7:00-ին, քաղաքի կենտրոնում գտնող սրճարանի երկու այցելուներ վեճի են բռնվել, որը վերաճել է ծեծկռտուքի. այս մասին տեղեկացնում է Ռուսասատանի քննչական կոմիտեի տեղական կառավարման պաշտոնական կայքը:
Տուժողն ստացած վնասվածքների պատճառով մահացել է հիվանդանոցում: Նախնական տվյալների համաձայն՝ մահվան պատճառը դարձել է գլխուղեղային վնասվածքը: Կռվի երկրորդ մասնակիցը փախուստի է դիմել: Իրավապահ մարմիններն արդեն պարզել են նրա ինքնությունը, կատարվում են որոնողական աշխատանքներ: Քրեական գործ է հարուցվել «Կանխամտածված մարմնական վնասվածքներ հասցնելու և անզգուշորեն տուժածին մահվան հասցնելու» հոդվածով:
Զոհվածը ծանրամարտի Եվրոպայի չեմպիոն 1985 թ. ծնված Անդրեյ Դրաչյովն է: Վերջինս մասնակցել է նաև էքստրեմալ բոդիբիլդինգի առաջնությանը:
«Կոնսոմոլսկայա պրավդա»-ի փոխանցմամբ՝ ողբերգությունը տեղի է ունեցել այն բանից հետո, երը Անդրեյ Դրաչյովը վիճաբանություն է սկսել «Գալերեյա» սրճարանում հավաքվածների հետ: Կողմերը դուրս են եկել՝ «խնդիրը լուծելու»: Դրաչյովը որոշել է չդիմել սրճարանում նստած ընկերոջ օգնությանը և մենակ կռվել: Համացանցում հայտնված տեսահսկման սարքերի ձայնագրության մեջ երևում է, թե ինչպես է մի տղամարդ, ամենայն հավանականությամբ կովկասցի, գետնին գցում Դրաչյովին և շարունակում ծեծել նրան:
Ինչպես նշում է НТВ-ն, վերջերս Բուրյատիայում դաժանաբար սպանվել է ևս մեկ երիտասարդ մարզիկ՝ Եվրոպայի ըմբշամարտի երիտասարդական առաջնության կրկնակի չեմպիոն Յուրի Վլասկոն: Ողբերգությունը տեղի էր ունեցել Բայկալ լճի ափին զանգվածային կռվի ժամանակ:
>