Հայաստանը և Բրազիլիան առևտրային-ներդրումային հուշագիր կստորագրեն

Հայաստանի կառավարությունը հավանություն է տվել Բրազիլիայի հետ առևտրային և ներդրումային համագործակցության մասին հուշագրի ստորագրմանը և հատուկ աշխատանքային խմբի ստեղծմանը. այս մասին տեղեկացրել է ՀՀ տնտեսական զարգացման և ներդրումների նախարարությունը:

Տնտեսական զարգացման և ներդրումների փոխնախարար Տիգրան Խաչատրյանի ներկայացրած ծրագրի համաձայն՝ փաստաթուղթը նախատեսում է առևտրի և ներդրումների ոլորտում համագործակցության հարցերով զբաղվող համատեղ աշխատանքային խմբի ստեղծում:

Հուշագրով նախատեսվում է նաև ուսումնասիրել երկու երկրներում բիզնես հնարավորությունների, ցուցահանդեսներում, տոնավաճառներում, գործնական առաքելություններում և միջոցառումներում ընկերությունների և գործարարների մասնակցության հեշտացման, առևտրի և ներդրումների ոլորտներում երրորդ երկրների հետ համագործակցության հնարավորությունները: